(圖片來源：雅虎香港)
昨日特首選舉第二場辯論，相信好多朋友都睇左。至於邊個表現好d、誰勝誰負，煲呔說「沒有分出勝負」、袋巾就話「香港贏左」，學者們亦眾說紛紜、莫衷一是。對於我黎講，最關心既反而係今日報紙會點樣解讀「民意」，藉機update一下各報館既政治立場。以下係蘋果日報、東方日報、太陽報、成報、明報、星島日報、經濟日報、大公報、文匯報同信報既頭條，大家不妨估下先睇落去，睇下自己對香港既中文報紙又了解幾多？
- 蘋果日報， A02
- 特首選舉論壇各方一致判定 特首選戰：梁家傑再勝曾蔭權
- 東方日報， A31
- 次輪特首辯論鬥抹黑
- 太陽報， A06
- 曾梁再過招空洞無新意 選舉騷鬥抹黑謾罵
- 成報， A02
- 曾蔭權選舉論壇反守為攻 直斥梁家傑搞分化
- 明報， A02
- 梁辯才險勝 曾贏民心 支持度曾拋離四成
- 星島日報， A04
- 梁家傑稱參選已創奇迹激辯過後 曾穩操勝券
- 經濟日報， A04
- 梁︰曾乏承擔 曾斥傷港人心 激辯23條雙普選 互數不是
- 大公報， A07
- 作風務實勝於純粹空談 市民讚曾優勢盡顯
- 文匯報， A04
- 嫌袋巾做不到 市民挺當勞
- 信報， P02
- 曾梁再火併「跨階層」破「四無」
怎樣？與你們估計的相約吧？媒體監察者常說香港的傳媒水平低落，但從對辯論會的報導來看，我又覺得並非那麼差。最起碼我們見到報紙的立場多元化 (Diversity)，左、中、右、中間偏左或偏右，樣樣都有，讀者有得揀聽邊套 (active audience)。
睇完報紙，我又花左少少時間去睇下網路上各鄰居既意見。同樣百花齊放，由簡單既慨嘆到詳細既分析都有，睇到小弟大呼過癮﹗
- 網友秋冬泉說︰
- 梁始終改變不了囂張的態度，即是「臭串」……最過份是佛利民一句，聽到我眼到突埋，這擺明就是信口雌黃，一場辯論而已，竟然不惜出動已過身的大師「過橋」，梁先生，你是否太輕挑了些？
- 網友蘋果裡的蘋果批說︰
- 曾蔭權說香港教育搞得好，站在世界頂尖，教改也初見成效，那是他媽的自欺欺人。若香港教育真的如此美好，家長也不會怨聲載道，教師也不會走出來說行政工作 多得過份，教院學生也不會說前路茫茫……
- 網友Toby Chiu說︰
- 曾生竟然舉電影製作做例子! 如果唔係屋企人一齊睇緊電視, 我一定爆粗!!……呢d公司全部係未有數碼港之前已經係行內出晒名, 佢地既出現及成功完全同數碼港冇關係. 曾生 quote 呢d例子就好似一d 濕九政黨宣傳 “成功爭取乜乜物物” 既橫額一樣 — 專呃阿婆。
- 網友PK說︰
- 曾狗呢d人，given 所有家傑所狠插既地方，都可以做特首，所以如果有普選，咁市民除左可以捉後選人出來辯論對答，仲可以唔係齋睇，而係跟手有一票決定揀邊個，將d廢柴走狗踢走。
其實計我話，最勞氣既唔係PK呢類唔服曾蔭權又無得揀既人，而係沉日去左答問大會既南區居民梁志超。學中大政治與行政學系副教授黃偉豪話齋，抽籤揀 中又肯去答問大會既市民只有5%，證明肯去果班市民一定有重要野想問兩位候選人。超哥千里迢迢由南區入黎將軍澳電視城，都係想問下袋巾同煲呔南區地鐵幾時 有。點知兩個候選人用左10秒輕輕帶過，就走左去爭論上次辯論時未講完既「外匯儲備」問題。換著係我，我一定講句︰
「我頂你個肺……」
